Kerfi Nasdaq verðbréfamiðstöðvar eru opin til uppgjörs á virkum dögum frá klukkan 08:00 til 17:00.

Verðbréfamiðstöðin á Íslandi annast engin uppgjör á eftirfarandi dögum.

Frídagur Dagsetning 2022
Nýársdagur Jan 1
Skírdagur Apr 14
Föstudagurinn langi Apr 15
Annar í páskum Apr 18
Sumardagurinn fyrsti Apr 21
Alþjóðlegur dagur verkalýðsins Maí 1
Uppstigningardagur Maí 26
Annar í hvítasunnu Jún 6
Þjóðhátíðardagur Íslands Jún 17
Frídagur verslunarmanna Ágú 1
Aðfangadagur jóla Des 24
Jóladagur Des 25
Annar í jólum Des 26
Gamlársdagur Des 31*

* Athygli er vakin á því að þrír uppgjörshringir eru keyrðir á gamlársdag klukkan 9:15, 10:30 og 11:45. Lokað er frá hádegi á Gamlársdag.

Almennur afgreiðslutími kerfis verðbréfamiðstöðvanna er milli 08:00 og 19:00 í Eistlandi, Lettlandi og Litháen og milli 08:00 og 17:00 á Íslandi, að staðartíma. Á afgreiðslutíma eru eftirfarandi aðgerðir mögulegar:

  • innsetning og pörun uppgjörsfyrirmæla,
  • innsetning og pörun aðgerðafyrirmæla (e. maintenance instructions),
  • millifærsla peninga til greiðsluhluta kerfis eftir þörfum til að framkvæma uppgjörsfyrirmæli,
  • uppgjör samkvæmt uppgjörsfyrirmælum,
  • aðrar aðgerðir.

Pörun og aðgerðir á uppgjörsfyrirmælum eru framkvæmdar samfellt á almennum afgreiðslutíma, og í þremur lotum gegn greiðslu á Íslandi. Uppgjörsfyrirmæli um T2S-gerninga í Eystrasaltsríkjunum eru framkvæmd í T2S-kerfinu séu þau ekki upprunalega færð inn sem fyrirmæli sem hafa þegar verið pöruð.

Fyrirmæli um uppgjör án greiðslu (FoP) eru gerð upp samfellt í rauntíma á almennum afgreiðslutíma. FoP-uppgjör eru framkvæmd til kl. 19:00 í Eistlandi, Lettlandi og Litháen og til kl. 17:00 á Íslandi.

Fyrirmæli um afhendingu gegn greiðslu (DvP) eru gerð upp samfellt í rauntíma á almennum afgreiðslutíma, nema á Íslandi. DvP-uppgjör eru framkvæmd til kl. 17:00 í Eistlandi, Lettlandi og Litháen.

Fyrirmæli um DvP-uppgjör eru gerð upp í þremur lotum á Íslandi: kl. 09:15, 11:45 og 15:00.

Á dagslokatímabilinu milli kl. 19:00 og 21:00 í Eistlandi, Lettlandi og Litháen:

  • er Nasdaq CSD kerfið opið fyrir fyrirspurnir þátttakenda (gegnum GUI-notendaviðmót og skilaboð),
  • sendir Nasdaq CSD kerfið þátttakendum skýrslur í áskrift,
  • Á milli kl. 19:45 og 21:00 sendir Nasdaq CSD uppgjörsfyrirmæli til T2S til afgreiðslu í næturuppgjöri (e. Night-Time Settlement eða NTS) til uppgjörs á tilætluðum uppgjörsdegi (e. Intended Settlement Date eða ISD). Vinsamlega athugið að tilætlaður uppgjörsdagur (ISD) hefst í T2S á ISD -1 kl. 21:00.

Á dagslokatímabilinu milli kl. 17:00 og 20:00 á Íslandi:

er Nasdaq CSD kerfið opið fyrir fyrirspurnir þátttakenda (gegnum GUI-notendaviðmót og skilaboð), sendir Nasdaq CSD kerfið þátttakendum skýrslur í áskrift.

Á næturtímabilinu milli kl. 21:00 og 08:00 í Eistlandi, Lettlandi og Litháen:

  • er Nasdaq CSD kerfið opið þátttakendum á næturtíma, en ekki þjónustað af rekstrarsviðinu (Nasdaq CSD Operations). Ferli sem eiga sér stað á þessum tíma eru ekki undir virku eftirliti, auk þess sem stuðningur við þátttakendur í tengslum við villur í aðgerðum er ekki tiltækur.
  • Nasdaq CSD kerfið er samstillt gögnum sem berast frá T2S NTS (fyrstu NTS-umferð lýkur í síðasta lagi kl. 23:00) og sendir þátttakendum í Nasdaq CSD upplýsingar um stöðu uppgjörsfyrirmæla og/eða staðfestingarskilaboð (séu þeir í áskrift).

Á næturtímabilinu milli kl. 17:00 og 08:00 á Íslandi:

  • er Nasdaq CSD kerfið opið fyrir fyrirspurnir þátttakenda (gegnum GUI-notendaviðmót og skilaboð). Ekki er þó gert ráð fyrir að þátttakendur í Nasdaq CSD noti kerfi Nasdaq CSD og því hefur rekstrarsvið fyrirtækisins (Nasdaq CSD Operations) hvorki virkt eftirlit með ferlum sem eiga sér stað á þeim tíma né veitir það þátttakendum aðstoð ef upp koma villur í aðgerðum.
  • fá þátttakendur í áskrift skýrslur frá kerfi Nasdaq CSD.